台灣基督長老教會

中壢教會

主任牧師 : 陳克安 |教育牧師: 吳富仁
電話:(03)422-4354 & (03)4222425 (03)427-1863 
網址:www.chunglipc.org 地址:桃園市中壢區中平路124號
傳真:(03)425-3291 
EMAIL: chungli_pc@msa.hinet.net

20191229 吳富仁牧師 - 世界的光,生命的光

經文:約1:1~14
題目:生命的光,世界的光

太初有道

親愛的朋友,大家平安!就親像咱若欲去一間別莊,咱來到它的面前,通常會有一條小路,小路會導咱行入去這間厝。約翰在他的福音書前三節,就用這種方式,來表達佇這本福音書內底,伊所欲見證的;當咱越讀,就越會明白這段介紹主耶穌的話是多要緊。「創世以前就有道,道及上帝同在,道是上帝。」(約1:1現代台語譯本)佇和合本翻譯作「太初有道」,當咱讀著這個詞,若是基督徒或是猶太背景的讀者,隨時就會了解約翰的用心,他欲導咱去一個熟悉又生份的所在。「太初」,或是現代台語譯本翻作「創世」,直接互咱想起舊約的頭一卷書:「創世記」一開始的表達:「源起頭,上帝創造天 地」(創1:1)不管作者約翰想要表達的是什麼,他要咱──這些讀的人,將這卷福音書,看作是關係上帝與咱──就是佇咱這個受造世界的故事,不僅僅是記載某一個時間、某一個所在的某一個人而己;伊欲見證講,造物主上帝,在祂極其疼惜的創造內底,已經做一件新的代誌,也就是對創造開始的那個故事,到此,就來到上高峰的所在。

約翰講,一切攏是藉「道」來成就。「伊佇創世以前就及上帝同在。上帝通過伊來創造萬有;一切被造的逐項攏是通過道來創造。」(約1:2~3現代台語譯本)第2~3節,作者約翰繼續補充伊所講的「道」是什麼。約翰用一個當時希臘世界普遍使用的詞:「道」,來描述主耶穌,以及祂所帶來的見證。對基督教的歷史開始,就有真多人對這字提出真多解釋,也有過真多辯論。在當時希臘化的世界內底,這字時常出現,「道」原文的意思是「人所講的話」,不管是logos抑是rhema攏共款的意思。希臘人真看重這個字,因為裀認為,智慧是佇人互相對話內底產生,所以,佇裀創辦的學校或是學堂內底,第一要學的就是辯論。然後這種看法是對蘇格拉底來的,這位被稱作西方哲學奠基者,伊就認為若寫落來,就無成智慧。因為按呢,裀特別看重「道」這字。

總是約翰用這個字,一開始就表明,呣是欲照希臘的看法,是照創世記第一章的記載。當上帝創造世間,用祂的嘴所講的話來造成。「上帝講, 有光,就有光。」(創1:3)佇祂創造的每一工了後,攏會續落去講:「上帝看伊是好」(創1:5B)。然後第六日,當祂完成祂的創造以後,聖經按呢對咱講:「上帝看伊一切所造 ,看 ,真好。有 - 有早起,是第六日。」(創1:31)我的舊約老師郭榮敏牧師,佇課堂教著這段的時,曾按呢講,巴克禮牧師的翻譯太客氣,原文對「真好」的語氣,若翻作台語通譯作「妖獸~好」,上帝佇祂創造的第六日,造人,換一句話來講,這就是上帝對人的看法,人是祂創造內面的高峰,親愛的兄姊,你及我攏是人,照上帝來看,是「妖獸好」哦!請問咱豈有按呢來看家己呢?

佇伊內面有活命

約翰續接落去按呢講:「佇伊內面有活命;此個活命是人類的光。」(約1:4)就親像咱所讀著的,照上帝形像所創造的人,是上帝創造那時的高峰;創世記續落也有詳細描述那時的情形,「耶和華上帝用地上 土粉 做人, 活 氣入伊 鼻孔;人就成做活 靈魂。」(創2:7)和合本是按呢翻譯:「耶和華 神用地上的塵土造人,將生氣吹在他鼻孔裡,他就成了有靈的活人,名叫亞當。」巴克禮牧師約佇100年前翻譯這段重要的經文時,伊是更加接近原文來翻譯,因為「人」這個詞原文是「亞當」,照和合本的翻譯,上帝創造的只是一個叫做亞當的人,總是若照原文通有三種解釋,1.上帝創造一個叫做亞當的人,2.上帝創造人(複數),3.上帝創造人類(集合名詞),換一句話來講,咱每一個人攏通自稱是亞當,因為咱承認家己是人,是上帝所歕活的氣所創造的。因為按呢,這段話也對咱定義什麼叫做活命。人活teh,要倚靠上帝所噴的那口氣,才真正有活命;若無,人的本質只是土粉,是污穢,互人的腳所踏;因為按呢,這相時對咱講起人的本性,咱有污穢的那面,當咱若離開上帝,就會活出土粉的本質,因為按呢,咱需要倚靠上帝。

所以約翰的宣告就真要緊,伊宣告講,只有佇伊內面,才有活命。佇約翰福音第一章也有一個高峰,就是有一個人出現,道(話語)成作「人」。「道成做人,掂佇咱中間,充滿恩典及真理;阮有看見伊的榮耀,是天父獨一的子才有的榮耀。」(約1:14,現代台語譯本)上帝本來看祂創造的時,人是「妖獸好」哦,總是人卻自專自大,想欲家己做上帝,人有自由意志,上帝所噴互的那口氣,人就驕傲起來,抓做人就通控制家己以及這個世界,總是上帝其實只有授權,受咱管理世界,結果人卻將這個世界當作家己的,越插手去管就越害。因為按呢,人離上帝的心意越來越遠,人雖然有活命,總是親像越活,越接近土粉,越活離上帝越遠,在教會內面,咱就稱這叫做罪。因為按呢,大衛才會按呢祈禱講:「我有得罪你,只有得罪你;我有做你看做邪惡的代誌。所以,我受你審判是當然,受你責罰是應該。」(詩51:4現代台語譯本)

對咱來講,人活啲是表示還啲喘氣,心臟還在跳,會聽,會講,會行;不只按呢,咱的嘴所講的話,及咱所行的行動,攏屬咱的一部份。所以,別人聽見,就用按呢來識咱,明白咱的用心及企圖。最近台灣總統及立委準備欲選舉,咱就會用這些候選人過去所講的政見,來檢驗裀,假使所講的及所作的無一致,現代的世界就隨時吐槽講:「你有講過…」。事實上,不只政治人物要受檢驗,每一個人,攏要為家己所講的話,以及家己的生命負責任。因為按呢,約翰對咱講,過去,上帝用祂所講的話成就、創造一切,今祂欲透過祂獨一的子,道成做人,佇咱中間,當咱若認會出,看著祂所帶來拯救的恩典,所行上帝真理的話,若按呢,咱就是看見上帝的榮耀。

黑暗拒絕光

就親像佇房間佇睏,一時將電火打開,目睭會打不開;光若佇日頭下面,無法度發揮作用,只有佇黑暗中,才會顯出它的價值;總是,有時陣,人若佇黑暗中真久,光一個出現,目睭無法度適應,這就親像上帝獨一的子──主耶穌,來到這世間那時。雖然行洗禮約翰為祂作見證,「有上帝差來的一個人,名叫做約翰。此個人來是欲作證,為著光作證,欲互所有的人通過伊來信。伊本身呣是彼個光,是欲為著彼個光作證。」(約1:6~8)佇當時的人來看,行洗禮約翰是出名的先知,總是伊只是為主耶穌作見證的彼位而已,更加要緊的,是續尾伊來的那位,「有真的光進入世間來照全人類。伊佇世間;世間通過伊來創造,呣拘世間呣識伊。伊來到家己的所在,家己的人無接納伊。」(約1:9~11)第9節嘛通翻做「啲照全人類的真光來到世間。」親愛的兄姊,對咱來講,什麼叫做光呢?最近我讀著箴言,智慧的人所講的話真正是光,「朋友造成的傷是出佇好意;對敵的唚嘴是虛假。」(箴27:6)咱若欲做真正的朋友,就呣驚講實在話,那些會用唚嘴來贊成咱所行所做的,無的確是朋友,豈採是對敵也無的確。什麼叫做光?就是佇那些想欲導咱去行歹路、講歹話、做歹代的人進前,勇敢對伊講:boe勢!毋湯!這呣是我應該去講、去行、去做的代誌。

生命的光,世間的光

親愛的兄姊,咱所活的這個世界及這個世界的價值觀,完全無照上帝心意來過,所以咱時常會稱這個世界黑暗;當咱受主命令,要咱活啲親像祂,就是咱要作光佇這個世界內底;上帝並呣是教咱拿祂的話的標準去量別人,去審判這個世界;呣是,祂要咱佇祂的話內底,尋著一條自由的路,歡喜及人分享,互別人共款,作夥來活出這個美麗自由的生命,這個上帝創造夭獸好的靈魂。假使咱願意,活出上帝所賜的話語,持守祂的話,若按呢,敢採就通佇這個黑暗世界內底,發揮醫治的作用。假使有一小群的人,願意照上帝的話按呢活,對這個世代來看,通講是祭司的作為,假使佇這個世間有某一個角落有光明,若按呢,整個世界就會有一點仔改變,親愛的兄姊,這就是咱受呼召要去作的使命。咱用所講的話,寫出來的文章,活出來的生命,透過按呢,互這個黑暗世界的某一個角落得著光,當別人聽到,就欲改變裀的思想及生活方式。這就是咱的相信,祂是生命的光,是世間的光,咱受造,也是為著活出這個光。   

親愛的兄姊,上帝藉著祂的話行代誌,凡祂所講的都實現,創世記是按呢,以後亦照常是按呢。詩人按呢吟講:「穹蒼對上主的話創造;日、月、星辰對伊的嘴歕的氣造成。」(詩33:6)先知以賽亞也按呢吟講:「草會乾,花會謝;獨獨咱 上帝 話的確永遠 - 。」(賽40:6);上帝的話對祂的嘴出,為整個的創造,帶來生命、醫治及向望(賽55:10-11)。這就是約翰所見證的「道」──上帝的話,今道成做人,祂曾佇咱中間,成做這黑暗世界的光,為著欲互咱得著氣力及向望,學祂的款式,去成就上帝所看做夭獸好的人生,去成做這世間的光。